Në emër të një kompanie të madhe dhe të konsoliduar në tregun shqiptar, e fokusuar në projektimin dhe zbatimin e projekteve në industrinë e ndërtimit, DIMENSION HR është në kërkim të një kandidati të kualifikuar për pozicionin Menaxher Projekti – ( Inxhinier Ndertimi )

PËRGJEGJËSITË:

• Menaxhon dhe koordinon një ose disa projekte ndërtimi paralelisht, nga planifikimi deri në dorëzim final.
• Organizon dhe mbikëqyr zbatimin e punimeve në terren, duke koordinuar ekipet punuese, nënkontraktorët dhe stafin teknik.
• Siguron respektimin e projekteve teknike, kushteve kontraktuale, standardeve të cilësisë dhe kërkesave HSE.
• Menaxhon buxhetin e projekteve, prokurimin e materialeve dhe kontrollin e kostove për të shmangur tejkalime financiare.
• Ndjek dokumentacionin teknik, kontraktual dhe financiar, si dhe përgatit raporte periodike mbi ecurinë e projekteve.
• Koordinon komunikimin me klientët, autoritetet kontraktore dhe palët e treta për mbarëvajtjen e projekteve.
• Identifikon dhe zgjidh problematika teknike dhe menaxheriale që lindin gjatë zbatimit të punimeve.
• Bashkëpunon me departamentet e prokurimit dhe logjistikës për sigurimin në kohë të materialeve dhe pajisjeve.

KËRKESAT:

• Diplomë në Inxhinieri Ndërtimi.
• Eksperiencë e provuar në menaxhimin e projekteve ndërtimore, preferohet në disa projekte njëkohësisht.
• Të ketë njohuri në përdorimin e AutoCAD, MS Office, MS Project etj.
• Aftësi të forta në menaxhimin e projekteve dhe ndjekjen e ecurisë në terren,
• Aftësi shumë të mira organizative, vendimmarrje dhe menaxhim kohe.
• Njohuri të mira të gjuhës angleze (gjuhë të tjera përbëjnë avantazh).
• Leje drejtimi, gatishmëri për udhëtime pune në terren

MENYRA E APLIKIMIT:

Mirëpresim aplikimin tuaj (CV) në adresën tonë rekrutime@dimensionhr.al me subjekt « Menaxher Projekti – ( Inxhinier Ndertimi ) »

Bazuar në aplikimin tuaj, Ju bëjmë me dije se vetëm kandidatët që plotësojnë kriteret e profilit do të njoftohen për intervistë nga stafi i Dimension.

JU MIREPRESIM!

*Të gjitha aplikimet do të trajtohen me konfidencialitet të plotë nga Dimension sipas ligjit Nr. 9887 për “Mbrojtjen e të Dhënave Personale” dhe do të përdoren nga Ne vetëm për qëllime rekrutimi.